ஏற்றுமதி கட்டுப்பாட்டால் மொத்த விற்பனை சந்தையில் வெங்காய விலை சரிவு

நாசிக் : பொருட்களுக்கான குறைந்தபட்ச ஏற்றுமதி விலையை அரசு உயர்த்தியதன் காரணமாக வெங்காய விலை 11 சதவீதம் சரிந்துள்ளது. ஒரு குவிண்டால் வெங்காயத்தின் விலை ரூ.1000க்கு விற்பனையாகிறது. இதன் காரணமாக மொத்த விற்பனை சந்தையில் கொள்முதல் செய்யும் ஏற்றுமதியாளர்களின் எண்ணிக்கை கணிசமாக குறைந்துள்ளது. இதனால் உள்ளூர் தேவைகளுக்கு மட்டுமே வெங்காயம் விநியோகிக்கப்பட்டு வருகிறது. ஆசியாவின் மிகப் பெரிய சந்தையான மகாராஷ்டிர சந்தையில் பெருமளவில் வெங்காயம் தேங்கி கிடக்கும் நிலை ஏற்பட்டுள்ளது. மொத்த விற்பனை வெங்காய சந்தையில் நேற்று குவிண்டாலுக்கு ஒன்றி்ற்கு ரூ.1125 ஆக விற்பனையான வெங்காயம் இன்று ரூ.1000 ஆக குறைந்துள்ளது.