இடுகைகள்
ஐக்கிய அரபு நாட்டின் தலைநகர் அபுதாபி. இங்கு அரசு நிறுவனமாக அபுதாபி தொழில் வர்த்தக கூட்டமைப்பு செயல்படுகிறது. அந்நாட்டு தொழில் மற்றும் வர்த்தகத்தை முறைப்படுத்தும் ஒரு அமைப்பாக இது உள்ளது. இந்த அமைப்பில் தேர்தலின் மூலம் தலைவர் மற்றும் இயக்குனர்கள் தேர்வு செய்யப்படுகின்றனர். இந்த தேர்தலில் வெளிநாட்டை சேர்ந்த தொழிலதிபர்களும் போட்டியிடலாம். அபுதாபியில் நேற்று இந்த அமைப்புக்கான தேர்தல் நடைபெற்றது. இதில், தலைவர் பதவிக்கு போட்டியிட்ட இந்திய தொழிலதிபர் யூசுப் அலி(58) தொடர்ந்து 3வது முறையாக தேர்வு செய்யப்பட்டார்.
இவர் பிரபல லூலூ(LuLu) நிறுவனத் தலைவர். தேர்தலில் 14,555 பேர் வாக்களித்தனர். இதில் லூலூ நிறுவனத் தலைவர் யூசுப் அலி 1,721 வாக்குகளுடன் வெற்றி பெற்றார். இவரது பதவிக்காலம் 4 ஆண்டுகள். தேர்தலில் வென்ற யூசுப் அலி கூறுகையில், ‘என் மீது தொழில், வர்த்தக துறையினர் வைத்துள்ள நம்பிக்கை மகிழ்ச்சி அளிக்கிறது. எனது பதவி காலத்தில் இந்தியா மற்றும் அபுதாபி நாடுகளுக்கு இடையே
வர்த்தகம் மற்றும் முதலீட்டுக்கான உறவுகளை மேம்படுத்துவேன்’ என்றார். அவருக்கு ஐக்கிய அரபு நாடுகளின் கலாசாரம் மற்றும் சமூகவளர்ச்சி துறை அமைச்சர் ஷேக் நாஹ்யான் பின் முபாரக் வாழ்த்து தெரிவித்தார். -
0 கருத்துகள்:
கருத்துரையிடுக
தங்களின் வருகைக்கு நன்றி...