Ads 468x60px

தங்களை இனிதே வரவேற்கிறது கொள்ளுமேடு எக்ஸ்பிரஸ்...அஸ்ஸலாமு அழைக்கும் (வரஹ்)

ஜூலை 31, 2013

அதிக வேலைவாய்ப்பு தரும் புதுபுது டிப்ளமோ படிப்புகள்!

பொறியியல் கல்லூரிகளில் மாணவர் சேர்க்கைக்கான கவுன்சலிங் முடிந்து விட்டது. இந்த கல்லூரிகளில் சேராத மாணவர்களுக்கு டிப்ளமோ படிப்பில் சேரும் வாய்ப்புகள் உள்ளது. தொழிற்சாலைகள் மற்றும் வீடுகளுக்கு தேவைப்படும் மின்சார பழுது சரிபார்த்தல், பிளம்பிங், பிட்டிங் உள்ளிட்ட பல்வேறு சிறுசிறு வேலைகளுக்கு லட்சக்கணக்கில் ஆட்கள் தேவைப்படுகின்றனர். ஆனால், இந்தப் படிப்புக்கு பெரும்பாலான இளைஞர்கள் வருவதில்லை. இத்துறைகளில் சிறிய முதலீட்டில் மிகப்பெரிய உயரங்களை எட்ட முடியும்.

கொஞ்சம் உழைப்பு, கொஞ்சம் பயிற்சி, கொஞ்சம் திட்டமிடல் இருந்தால் போதும். பத்தாம் வகுப்பு அல்லது பிளஸ்2 வகுப்புக்கு மேல் கல்வியைத் தொடர முடியாத நிலையில் உள்ளவர்கள், கல்லூரிக்கு செல்ல முடியாத நிலையிலும் கல்வியைத் தொடர நினைப்பவர்களுக்கு பட்டயப்படிப்பு கைகொடுக்கும். பட்டப்படிப்பை முடித்த பின்னரும் வேலை வாய்ப்பு இல்லாதவர்கள், புதிய வேலை வாய்ப்புகளை ஏற்படுத்திக் கொள்ள நினைப்பவர்களுக்கும் பட்டயப்படிப்பு வாய்ப்புகளை உருவாக்கும். நம் விருப்பத்துக்கு ஏற்ற பட்டயப்படிப்பை தேர்வு செய்ய இணையதளம் மூலம் தகவல்களைப் பெற முடியும். பயிற்சிக் காலம், கட்டணம், வேலை வாய்ப்பு, பயிற்சி நிறுவனங்கள் குறித்த தகவல்களின் அடிப்படையில் முடிவு செய்யலாம்.

அனிமேஷன் மாற்றம் கார்ட்டூன் படிப்பு: தமிழகத்தில் கேளிக்கைத் துறையில் அனிமேஷன் மற்றும் கார்ட்டூன் படித்தவர்களுக்கான தேவை அதிகரித்து வருகிறது. பயிற்சி நிலையங்கள் மற்றும் கல்லூரிகள் இப்படிப்பை வழங்குகின்றன. அனிமேஷன் மற்றும் கார்ட்டூன் படிப்பை முடிப்பவர்களுக்கு திரைப்படம், தொலைக்காட்சி, விளம்பரத் துறை மற்றும் இணையத்தளங்களிலும் வேலை வாய்ப்புகள் உள்ளது.

ஹோம் டெக்கரேஷன் மற்றும் இன்டீரியர் டிசைனிங்: கட்டடத்தின் உட்புற அழகை பல்வேறு கோணங்களில் இருந்து மேம்படுத்திக் காட்டுவதே இன்டீரியர் டெக்கரேஷன் எனப்படுகிறது. இருக்கும் இடத்தை தேவைக்கு ஏற்ப பயன்படுத்துவது, உள் கட்டமைப்பில் எண்ணங்களை பிரதிபலிப்பது, எளிய மாற்றங்கள் மூலம் கட்டடங்களுக்கு ரிச்சான தோற்றம் தருவது
என கற்பனையுடன் தொழில்நுட்ப அறிவையும் பயன்படுத்த வாய்ப்புள்ளது. மக்களுக்கு அழகியல் மீதான ஈடுபாடு அதிகரித்து வருவதால் இத்தகைய தொழில்களுக்கு வேலை வாய்ப்பு அதிகம் உள்ளது. லட்சங்களில் சம்பாதிக்கவும் முடியும்.
-தினகரன் 

0 கருத்துகள்:

கருத்துரையிடுக

தங்களின் வருகைக்கு நன்றி...