உடல் எடையை குறைத்தவர்களுக்கு ரூ.5 கோடி தங்கம் பரிசு!

துபாய்,நவ.09 (டி.என்.எஸ்) துபாய் நகர சபை நடத்திய உடல் எடை குறைக்கும் போட்டியில் கலந்துகொண்டு, உடல் எடையை குறைத்தவர்களுக்கு தங்கம் பரிசாக வழங்கப்பட்டது. உடல் எடையை குறைக்கும் போட்டியை துபாய் நகர சபை நடத்தியது. அதில் வெற்றி பெறுபவர்களுக்கு தங்கம் பரிசளிக்கப்படும் என அறிவித்து இருந்தது. அதை தொடர்ந்து உடல் எடையை குறைக்கும் போட்டியில் பலர் கலந்து கொண்டனர்.

அவர்களில் அகமது இப்ராகீம் அல் ஷேக் (27), என்பவர் முதல் பரிசு பெற்றார். சிரியாவை சேர்ந்த கட்டிட கலை நிபுணரான இவர், 26 கிலோ உடல் எடையை குறைத்தார். அவரை தொடர்ந்து ரகுநாத் பாலசுப்பிரமணியன் என்பவர் தனது, 126 கிலோ எடையில் இருந்து 23 கிலோ எடையை குறைத்துள்ளார். இவர்கள் உள்பட போட்டியில் வெற்றி பெற்றவர்களுக்கு துபாய் நகரசபை தங்கம் பரிசாக வழங்கியுள்ளது. இப்போட்டியில் வென்றவர்களுக்கு மொத்தம் ரூ.5 கோடி மதிப்புள்ள
தங்கத்தை துபாய் நகர சபை பரிசாக வழங்கியுள்ளது என்பது குறிப்பிடத்தக்கது. (டி.என்.எஸ்)